மூன்றே ஓவரில் மாறிய ஆட்டம்: இந்தியா தோல்வி – வருண் சக்ரவர்த்தியின் 5 விக்கெட்டுகள் போதவில்லை

தென் ஆப்ரிக்காவுக்கு எதிரான டி20 போட்டியில் இந்திய அணி அபார வெற்றியை நெருங்கியிருந்த நிலையில், கடைசி மூன்று ஓவர்களில் ஆட்டம் தலைகீழாக மாறி, 3 விக்கெட்டுகள் வித்தியாசத்தில் தோல்வியை தழுவியது.

செயின்ட் ஜார்ஜ் பார்க்கில் நடைபெற்ற இந்த போட்டியில், முதலில் பேட்டிங் செய்த இந்திய அணி 20 ஓவர்களில் 6 விக்கெட்டுக்கு 124 ரன்கள் எடுத்தது. இதையடுத்து, 125 ரன்கள் சேர்த்தால் வெற்றி எனும் இலக்குடன் களமிறங்கிய தென் ஆப்ரிக்க அணி 6 பந்துகள் மீதமிருக்கையில் 7 விக்கெட்டுகளை இழந்து 128 ரன்கள் சேர்த்து 3 விக்கெட் வித்தியாசத்தில் வென்றது.

இந்திய அணியைச்சேர்ந்த  வருண் சக்ரவர்த்தி 5 விக்கெட்டுகளை கைப்பற்றி அசத்திய போதிலும், அவரது பந்துவீச்சை எதிர்கொண்ட தென் ஆப்ரிக்க வீரர்களின் தைரியமான ஆட்டம் இந்திய அணியின் வெற்றி நம்பிக்கையை உடைத்தது.

இந்த தோல்வியால், நான்கு போட்டிகள் கொண்ட டி20 தொடர் 1-1 என்ற சமநிலையில் உள்ளது.