உள்ளூராட்சி மன்ற தேர்தல் எதிர்வரும் ஏப்ரல் மாதம் நடைபெறும் என்று தேர்தல் ஆணைய வட்டாரங்கள் தெரிவிக்கின்றன.
உள்ளூராட்சி மன்ற வாக்கெடுப்பு விசேட ஏற்பாடுகள் சட்டமூலம் நாடாளுமன்றத்தில் நிறைவேற்றப்பட்டுள்ள போதிலும் எதிர்வரும் மார்ச் மாதம் சாதாரண தர பரீட்சை நடைபெறவுள்ளதால் அந்த மாதத்தில் வாக்கெடுப்பை நடத்த முடியாது என தெரியவந்துள்ளது.
உள்ளூராட்சி மன்றங்களுக்கான புதிய வேட்புமனுக்களை கோருவதற்கான உள்ளூராட்சி சபைத் தேர்தல்கள் (விசேட ஏற்பாடுகள்) சட்டமூலம் தொடர்பான வர்த்தமானி அறிவிப்பு வெளியிடப்பட்டுள்ளது.
வர்த்தமானி அறிவித்தல்……
உள்ளூராட்சி மன்றங்களுக்கான முன்னைய வேட்புமனுக்களை இரத்து செய்ய அமைச்சரவை அண்மையில் தீர்மானித்தது. இந்த வர்த்தமானி அறிவித்தல் வெளியிடப்பட்டு ஒரு வாரத்தின் பின்னர் நாடாளுமன்றத்தில் (முதல் வாசிப்பு) சமர்ப்பிக்க முடியும்.
எதிர்வரும் ஏப்ரல் மாதம் நடைபெறப்போகும் மற்றுமொரு தேர்தல் | Local Government Elections Held In April
நாடாளுமன்றத்தில் சமர்ப்பித்த பிறகு, ஆட்சேபனை தெரிவிக்க இரண்டு வாரங்கள் இருக்கும். ஆட்சேபனை எதுவும் தெரிவிக்கப்படாவிட்டால், இரண்டு வாரங்களுக்குப் பிறகு மசோதா மீது விவாதம் நடத்தப்படும். ஆட்சேபனைகள் எழுந்தால், அது தொடர்பாக முடிவெடுக்க மேலும் ஒரு வாரம் அவகாசம் வழங்கப்படும்.
உள்ளூராட்சி மன்றத் தேர்தல் திகதி……
உள்ளூராட்சி சபைத் தேர்தலுக்கான விசேட ஏற்பாடுகள் தொடர்பான சட்டமூலம் நிறைவேற்றப்பட்டதன் பின்னர் உள்ளூராட்சி மன்றத் தேர்தல் திகதி அறிவிக்கப்படும் என ஆணைக்குழுவின் தலைவர் ஆனந்த ரத்நாயக்க தெரிவித்தார்.
எதிர்வரும் ஏப்ரல் மாதம் நடைபெறப்போகும் மற்றுமொரு தேர்தல் | Local Government Elections Held In April
ஆரம்பத்தில் உள்ளூராட்சி சபைத் தேர்தலுக்கு அழைப்பு விடுக்கப்பட்ட போது முன்மொழிவுகள் இரத்துச் செய்யப்பட்டதன் காரணமாக ஆணைக்குழுவிற்கு 72 கோடி ரூபா நட்டம் ஏற்பட்டது
