பிரபல தென்னிந்திய பின்னணி பாடகர் ஹரிகரனின் இசை நிகழ்வை முன்னிட்டு தென்னிந்திய கலைஞர்கள் யாழ்ப்பாணத்தை வந்தடைந்துள்ளனர்.
குறித்த குழு பலாலி சர்வதேச விமான நிலையம் ஊடாக யாழ்ப்பாணத்தை வந்தடைந்த போது கலை கலாசார நிகழ்வுகளுடன் வரவேற்பளிக்கப்பட்டது.
யாழ்ப்பாணம் முற்றவெளி மைதானத்தில் நாளை ஹரிகரனின் இசை நிகழ்வு பிரமாண்டமாக நடைபெறவுள்ளது.
இந்த இசைநிகழ்ச்சியை முன்னிட்டு தென்னிந்திய நடிகை ரம்பா மற்றும் பிரபல தென்னிந்திய நடன இயக்குனர் கலா மாஸ்டர் உள்ளிட்ட ஏற்பாட்டுகுழு அண்மையில் யாழ்ப்பாணத்தை வந்தடைந்தனர்.
இதையடுத்து பாடகர் ஹரிஹரன் உள்ளிட்ட இசைக் குழுவினர் சிலர் நேற்றையதினம் யாழ்ப்பாணத்தை வந்தடைந்தனர்.
இதேவேளை இசை நிகழ்வில் தென்னிந்திய திரைப்பட பிரபலங்களான நடிகர் சிவா, பாலா, சாண்டி மாஸ்டர், சஞ்சீவ் நடிகை ஐஸ்வர்யா ராஜேஷ், திவ்ய தர்சினி, ஆல்யமானசா , நந்தினி, மகா லட்சுமி உள்ளிட்ட பல கலைஞர்கள் இன்றையதினம் யாழ்ப்பாணத்தை வந்தடைந்துள்ளனர்.
குறித்த நிகழ்விற்கு பலர் எதிர்ப்புக்களை வெளிப்படுத்தி வருகின்றமையும் குறிப்பிடத்தக்கது.
