கிளிநொச்சியில் விபத்து: ஒருவர் பலி: ஐவர் தீவிர சிகிச்சைப்பிரிவில்!

கிளிநொச்சி – ஆனையிறவு பகுதியில் விபத்து: ஒருவர் பலி: 8 பேர் காயம்.

யாழில் இருந்து கண்டி நோக்கி பயணித்த பேருந்து கிளிநொச்சி – ஆனையிறவு பகுதியில் வைத்து விபத்துக்குள்ளானதில் ஒருவர் பலியாகியுள்ளதுடன் 8 பேர் காயமடைந்துள்ளனர்.

குறித்த விபத்தானது இன்று(24.01.2024) அதிகாலை நான்கு மணியளவில் இடம் பெற்றுள்ளது.

யாழ்ப்பாணத்தில் இருந்து கண்டி நோக்கி பயணித்த அரச பேருந்து ஒன்றும், வவுனியாவில் இருந்து யாழ்ப்பாணம் நோக்கி பயணித்த ஹயஸ் ரக வாகனம் ஒன்றும் நேருக்கு நேர் மோதிக் கொண்டதிலே இவ்வாறு விபத்து ஏற்பட்டுள்ளது.

பேருந்தானது வீதியில் படுத்திருந்த மாடுகளுடன் மோதுண்டு எதிரே வந்த ஹயஸ் ரக வாகனத்துடன் மோதியதில் விபத்து இடம்பெற்றுள்ளதாக கூறப்படுகிறது.

இந்நிலையில் விபத்து காரணமாக வைத்தியசாலையில் அனுமதிக்கப்பட்டுள்ள 8 பேரில் ஐவர் தீவிர சிகிச்சைப்பிரிவில் சிகிசிச்சை பெற்றுவருவதாகவும் மேலும் தெரிவிக்கப்படுகிறது.